最壞的年代
# 廢話幾句 | Comments (4)
2000-2001呢兩年係我人生之中最壞嘅一個年代，銀行得返一千蚊，性格走向極端，感情綫發放亂七八糟。
當時我負能量極重，灰色地帶大到嚇死人。
好彩當時我認識咗一位神父，一位肯聼我講嘢嘅神父。
呢位神父俾我依依哦哦咗大半世，終于肯介紹個仙女俾我認識。
從此我得到解脫，阿門。
神父，我冇令你失望，如今我依然好好咁愛護住呢位仙女。
回想起嗰段日子，其實我同你係起起度過咗一個最壞的年代，係嗎?
都係嗰句，多謝你! 如有任何需要，兩肋插刀，赴湯蹈火。
淩B
# 廢話幾句 | Add Your Comment
花好月圓嘅其中一位角色，淩至信。
佢睇完第三十二集，噠咗一句，“呢個男人好衰!!!”
Ok。。。我站向男人嘅角度睇，覺得佢唔算衰咯，仲好寫實添。
其實現實中係有好少管家仔呢种角色嘎，淩至信就大把。
女士們，個個男人都係咁衰嘎，得閑嘅時候，惗惗佢啦!
冷漠的世界
# 廢話幾句 | Comments (2)
淩晨三點，俾樓下嘅車鳴聲嘈醒，瞓唔著，有啲靈感，落筆寫啲嘢。
我從事Internet行業已多年，已習慣佢嘅冷漠脾性。
寫email冇人回復，正常。
Facebook冇人踩你，正常。
初初寫blog冇人睇，正常。
當blog有人睇，但冇人留言，正常。
留言咗但版主不回復，正常。
現實生活唔會係咁嘎，當你講完一句說話，對方自自然然會回應你，唔會冇反應嘎。
若對方冇回應，屬不正常。
但點解喺Internet嘅世界裏面，大家就可以變得咁冷漠呢?
其實大家都渴望每日有排山倒海嘅精彩email可以讀，Facebook日日有人kacao你，去某些喜歡嘅blog就希望版主有些新嘢俾你睇，但自己就偏偏唔會做呢一種苦差。
就係因爲我熟悉Internet嘅脾性，所以我往往係屬於Internet世界嘅其中一位大慈善家。
email寫最多嘅係我。
blog日日有新嘢睇嘅係我。
寫留言最多嘅亦都係我。
當有一日我停止做大慈善家時，大家就會認爲呢個人近排係唔係有啲唔妥？
有冇惗過，我依家做緊嘅嘢，其實先至係屬於有啲唔妥?
Internet係一個虛幻嘅世界，冇規律，係唔正常嘅，所以千奇唔好俾佢影響到你嘅情緒。